Argraffu Diwifr

Gallwch nawr argraffu’n ddiwifr o’ch dyfais ym mhob un o’n llyfrgelloedd.

P’un a oes angen i chi argraffu tocyn byrddio neu boster, mae hynny’n bosibl gyda’n cyfleusterau argraffu Wi-Fi.

Sut ydw i’n argraffu’n ddiwifr?

Rydym yn cynnig dau opsiwn argraffu hunanwasanaeth diogel i wneud argraffu’n gyflym ac yn gyfleus:

Opsiwn 1: Argraffu Cwmwl:

Mae’r opsiwn hwn yn caniatáu ichi argraffu’n ddiwifr o’ch dyfais eich hun tra byddwch chi yn y llyfrgell.

  • Cysylltu â’n Wi‑Fi am ddim: Gwestai Powys. Darganfyddwch sut i fynd ar-lein yma: Ewch Ar-lein – Powys
  • Agorwch y ffeil rydych chi am ei hargraffu a dewiswch ‘Rhannu’.
  • Dewiswch yr opsiwn ‘Argraffu’.
  • Dewiswch yr argraffydd ar gyfer y llyfrgell rydych chi’n argraffu ohoni.
  • Talwch wrth y ddesg. Yna bydd aelod o staff yn rhyddhau eich argraffiad.

Opsiwn 2: Argraffu Porwr:

Mae’r opsiwn hwn yn caniatáu ichi uwchlwytho’ch ffeiliau’n ddiogel o unrhyw le a’u casglu o’r llyfrgell.

  • Ewch i: https://powys.docprint.uk/upload/
  • Mewngofnodwch gan ddefnyddio rhif eich cerdyn llyfrgell a’ch PIN. Os nad ydych chi’n gwybod eich manylion, gofynnwch i aelod o staff. Ddim yn aelod o’r llyfrgell eto? Gallwch gofrestru ar-lein yma: spydus.co.uk/cgi-bin/spydus.exe/MSGTRN/OPAC/JOIN
  • Dewiswch ‘Dewis ffeil’ ac uwchlwythwch y ffeil(iau) rydych chi am eu hargraffu.
  • Dewiswch ‘Uwchlwytho ffeil’.
  • Ewch i’r llyfrgell, talwch wrth y ddesg, a bydd aelod o staff yn rhyddhau eich darn argraffu.
Beth alla’ i ei argraffu?

Gallwch argraffu pob math o bethau – ffeiliau PDF, dogfennau, ffotograffau a hyd yn oed tudalennau gwe. Gwnewch yn siŵr nad yw eich print yn fwy na’n cyfyngiad ar faint y ffeil sef 100 MB.

O ba ddyfeisiau y gallaf argraffu?

You can print from all Windows, Android, MacOS and iOS devices.

Faint mae argraffu yn ei gostio?

Mae argraffu diwifr yn costio’r un faint ag argraffu o un o’n cyfrifiaduron personol – 40c ar bob ochr lliw ac 20c am bob ochr du a gwyn.

Rhagor o wybodaeth

I gael rhagor o wybodaeth am ein gwasanaeth argraffu diwifr, siaradwch â staff yn ein llyfrgelloedd.

Dod o hyd i lyfrgell