Sialens Ddarllen yr Haf 2026: Cyfrolau’n Canu!
Mwynhewch ddarllen yr haf hwn gyda Sialens Ddarllen yr Haf.
Dewch i ddarganfod sut y gall straeon a cherddoriaeth ysbrydoli dychymyg, creadigrwydd a hwyl.
Beth yw Sialens Ddarllen yr Haf?
Mae Sialens Ddarllen yr Haf yn weithgaredd darllen rhad ac am ddim a llawn hwyl i blant rhwng 4 ac 11 oed, a gaiff ei gyflwyno drwy lyfrgelloedd ledled y DU.
Mae plant yn cofrestru yn eu llyfrgell leol, yn gosod eu nodau darllen eu hunain ac yn mwynhau darllen unrhyw beth y maent yn ei hoffi – o straeon a chomics i lyfrau ffeithiol, llyfrau sain a mwy.
Drwy gydol yr haf, byddant yn:
- Dewis llyfrau sydd o ddiddordeb iddynt
- Casglu gwobrau ac olrhain eu cynnydd
- Meithrin hyder a chadw eu sgiliau darllen yn gryf
- Mwynhau gweithgareddau a digwyddiadau yn eu llyfrgell leol
Sut mae’n gweithio?
Mae’n hawdd ymuno:
- Cofrestrwch yn eich llyfrgell leol
- Dewiswch eich llyfrau – mae unrhyw beth rydych yn mwynhau ei ddarllen yn cyfrif!
- Darllenwch dros yr haf ar eich cyflymder eich hun
- Casglwch wobrau wrth fynd ymlaen
- Cwblhewch y Sialens i dderbyn tystysgrif a medal
Pam cymryd rhan?
- Mae’n hollol RHAD AC AM DDIM
- Mae’n helpu plant i gynnal eu hyder wrth ddarllen dros yr haf
- Mae’n ffordd wych o ddarganfod llyfrau ac awduron newydd
- Mae’n cynnig gweithgareddau hwyliog a chreadigol i’r teulu cyfan
I rieni a gofalwyr
Mae cymryd rhan yn hawdd ac yn hyblyg – gall plant ddarllen unrhyw beth y maent yn ei fwynhau a gweithio tuag at eu nodau eu hunain.
Bydd llyfrgelloedd hefyd yn cynnal digwyddiadau a gweithgareddau rhad ac am ddim drwy gydol yr haf i helpu i gadw plant yn llawn cymhelliant ac yn ymgysylltiedig.
Yn barod i ddechrau?
➡️ Galwch heibio eich llyfrgell leol
➡️ Gofynnwch i aelod o staff eich cofrestru
➡️ Ewch â’ch pecyn cychwynnol adref a dechreuwch eich taith ddarllen