Am Arts Connection – Cyswllt Celf
Cyswllt Celf – Elusen celfyddydau cyfranogol annibynnol yw Cyswllt Celf ac mae wedi darparu prosiectau celfyddydau cyfranogol o ansawdd uchel mewn ystod eang o gyfryngau artistig ers 1994. Mae ein gwaith gydag ysgolion, plant, ieuenctid, pobl ag anableddau dysgu a’r gymuned ehangach yn cynnig mwy o gyfranogiad a cyfranogiad a drws dwyieithog croesawgar i’r celfyddydau. Ein cenhadaeth yw ysbrydoli pobl i gymryd rhan yn y celfyddydau, gan wella eu creadigrwydd a’u lles a’n nodau yw: CYFRANOGIAD – ehangu cyfleoedd i bobl ymgysylltu a chymryd rhan yn y celfyddydau AMRYWIAETH – hyrwyddo cynhwysiant ac amrywiaeth yn y celfyddydau CYNALIADWYEDD – adeiladu sefydliad mwy cynaliadwy, hyfyw a gwydn
Rydym yn cyflwyno gweithdai cyfranogol, ffilmiau, arddangosfeydd, sgyrsiau ac ati sy’n cwmpasu ystod eang o ffurfiau celf, o grefft i gelfyddyd ddigidol. Mae ein gwaith yn canolbwyntio ar gyrraedd a gwella bywydau’r rhai sydd dan anfantais yn economaidd, yn gymdeithasol ac yn ddaearyddol. Rydym yn cyflwyno ein gweithgareddau trwy ein pum rhaglen greadigol eclectig, sef: – Celfyddydau i Bawb – gweithgareddau i bawb ond gyda ffocws ar bobl hŷn a theuluoedd – Dysgu trwy Gelf – gweithgareddau i blant a phobl ifanc 0 – 25 oed mewn sefyllfaoedd anffurfiol a ffurfiol – Celf o Les – gweithgareddau gyda phobl ag anableddau dysgu a ffocws iechyd a lles – Wild @ Art – canolbwyntio ar gynaliadwyedd, yr amgylchedd a gwaith awyr agored – Sgiliau a Thrills – datblygu arfer celfyddydau cyfranogol
